كنت بتفرج على ماتش كوره (على فكره انا بحب الكوره و اهلاوى كمان) وبعدين فى الاستوديو التحليلى اللى بعد الماتش المذيع بيقول ان محمد فضل لاعب الاسماعيلى هيروح يحج و الفريق عندوا ماتش مهم فى الدورى و بيسال الشيخ طه اسماعيل هوا يروح يحج واللا الاولى العمل و انه يخليه علشان الفريق محتاجله000000000(مسخره( يقوم الشيخ طه يقولوا ايه بقى لو كانت دى اول مره يحج فيها يعنى الفريضه يبقى يروح يحج انما لو دى ثانى او ثالث مره يبقى فيه كلام.......................... يا سلام على الفقه
للدرجه دى المفاهيم بقيت مغلوطه؟ ازاى اصلا الحج يوضع فى مقارنه مع ماتش كوره
ربنا يستر علينا والله لولا اطفال رضع و شيوخ ركع و بهائم رتع لخسف بنا
Subscribe to:
Post Comments (Atom)
16 comments:
ولسة الي يعيش يااما يشوف والله حاجة تعلي الضغط والسكر
القصة يا دكتور مش قصة ماتش كورة
انت بالنسبة ليك دة ماتش كورة بقتتفرج عليه علشان تستمتع وتنبسط انما بالنسبة للاعب الكورة دة اكل عيشه مصدر رزقه ودخله
هو دة اللي فاتح بيته
الكورة بالنسبة للاعب الكرة زي المستشفى او الصيدلية بالنسبة للطبيب او الصيدلي
تقدر تروح تحج بدون موافقة الشغل عندك؟
تحياتي لك
مدونة اكتر من روعة
لا حول ولاقوة الا بالله
truelove مش كده والنبى؟
شرفتينى و مرسى على الزياره
a.samirاسمحلى اختلف معاك يابوحميد
ماهى الرقاصه برده اكل عيشها الرقص
انا مابتكلمش عن الكوره انا بتكلم عن وضع فريضه زى الحج فى ميزان واحد مع ماتش كوره
شرفتينى
rosaالمدونه نورت بزيارتك
اسمحلى يا دكتور اتفق مع الاستاذ سمير و اختلف معاك
لانك بردك عليه دخلت فى نقطة تانية خالص و هى هل لعب الكورة و اتخاذها كمصدر رزق حرام ام حلال ؟
و بصراحة مش هقدر انى افتى فى الموضوع ده لكن احساسى بيقول لاء مش حرام
اما بقى قصة الحج و الكورة
فأنا اتفق معاك فى حتة انها مش مجال للمناقشة
لان الماتش فى ستين داهية لكن زيارة بيت الله مطمع كل مسلم
عاجبنتنى مدونتك جدا
تحياتى
true man انا ماتكلمتش عن ان الكوره حرام او حلال و فى بداية البوست قولت انى بحب الكوره و اهلاوى كل اعتراضى على ان فيه اى حد يفضل ماتش كوره عن الحج
شرفتنى جدا و شكرا على الزياره
هههههههههههههههه
والله فعلا زي ما بتقول حاجه مسخرة
ربنا يرحمنا برحمته
تحياتي لك وهابي نيو ير
رودي
الاهلاوية
هههههههه
بس برضه منقدرش نقول كلامه غلط
احنا ليس لدينا علم كافى
كى نقول أن كلامه خطأ
أنا طبعا مش مع الفتوى نظريا
لكن ممكن يكون مستند لدليل من الشرع
فأرجو ألا ننتقد شئ
و نحن لا نعلم كل ملابساته
خصوصا فى الأمور الشرعية
جزاكم الله خيرا
د.حمــــــاس
ما احنا فى زمن لكل مواطن مفتى
فين جديدك يا دكتورر
و فينننننننننننك
مش عارفه بصراحه
تعالوا نروق مصر
http://hnro2masr.blogspot.com/
فين الجديد يا دوك
متشوقه اشوف الجديد
تحياتي
ومتشكرة لزيارتك جداا
رودي
ارجو الاهتمام بذلك الموضوع الموجود بالمدونه وارجو التضامن معى وشكرا
شر البليه ما يضحك فعلا
الماتش أولى من الحج
يا سلااااااااااااام
ربنا يعفو عنا جميعا
تحيااااااتي
شر البليه ما يضحك فعلا
الماتش أولى من الحج
يا سلااااااااااااام
ربنا يعفو عنا جميعا
تحيااااااتي
Post a Comment